“Дизайн” программасын жакшыртуу боюнча стейкхолдерлер менен тегерек стол
07/03/2025
06:43
2025-жылдын 28-февралында АЭУнун IT & Business колледжинде “Дизайн” багыты боюнча билим берүү программасын өнүктүрүүгө арналган тегерек стол болуп өттү. Талкууга “Инфоком” мамлекеттик мекемеси, “Саратан” анимациялык студиясы жана “Куликов” кондитердик компаниясынын өкүлдөрү катышты.
Жолугушуунун негизги темасы – эмгек рыногунун учурдагы талаптарын эске алуу менен адистерди даярдоо процессин өркүндөтүү болду. Иш берүүчүлөр биздин бүтүрүүчүлөрдүн техникалык даярдык деңгээлин жогору баалап, алардын компетенттүүлүгүн белгилешти. Ошол эле учурда, жаңы кызматкерлерди иш процесстерине адаптациялоодо негизги чакырык катары коммуникативдик көндүмдөрдүн жетишсиздигин белгилешти.
Талкуу учурунда бул маселени чечүүнүн бир нече жолдору сунушталды. Алардын катарына студенттердин индустриялык өнөктөштөр менен биргелешкен долбоорлорунун санын көбөйтүү, окуу процессинде командалык иштөөнү өнүктүрүү жана soft skills боюнча мастер-класстарды, тренингдерди уюштуруу кирди. АЭУнун IT & Business колледжи жогорку билим берүүнүн сапатын камсыздоо жана талап кылынган адистерди даярдоо максатында иш берүүчүлөр менен кызматташтыкты активдүү улантууда.
